انا وهو والاتوبيس

مره مش من كتير يادوب بعد ما نقلنا بيتنا الجديد
ارتكبت جريمه تحرق الدم في حق نفسي
وصراحه تحرق دم اي شاب مصري............
ركبت الاتوبيس
بصراحه كنت مخنوقه وعاوزه اغير جو .. قلت وماله
اهي حاجه جديده وحنشوف اخرتها ايه؟؟.........
وانا ماشيه على البحر لاقيت الباص وقف
قلت يابركاتك يا شيخه موجه!!!!...
ركبت فيه وكان بسم الله ماشاء الله (( فاضي ))
نقيت كرسي كده جنب الشباك وقعدت
لاقيت بعدها بمافيش دقيقه واحد طول بعرض بارتفاع
وراح مقب من الكرسي اللى انا فيه وكان معاه حاجه في ايده
ماحولتش ادقق بس صراحه هو اجبرني اني اتابع
ايه ده .......... دي شنط
لاقيت في ايده شنطتين كباااااااااار جدا
وجه قعد جنبي وهم برفع احدى الشنطتين وحطها على رجلي
انا بصيت كده لاقيت صوت طالع من كتله حمراء يكسوها الفرو الاسود
(( انا راضيه حكمكم ....... ده انسان ده ؟؟ بني آدم زينا يعني ))
المهم لاقيت الصوت بيقول (( لاموأخذه يا انسه ))
رضيت بسماجه واستتقال (( ها ... لا ولايهمك ))
و حط الشنطه التانيه على رجله
وفضلت طول الطريق زي اللى بيعذبوه بالحجر
رافعي الاثقال .. مش عارفه بجد
والطريق كان طويل جدا
وخلاص وصلنا المكان اللى حننزل فيه
الاقيه يروح قايلي (( معلش اختي هاتي الشنطه دي وانتي نازله ))
واخد اللى على رجله ونزلها من الباص ووقف جنبها
طبعا مستني اوشين تنزله الشنطه التانيه
رحت سيبتها ونزلت وقلتله شنطتك فوق ابقي اطلع خدها
ودي كانت اطول رحله تمر على في حياتي
بجد عاوزه ارائكم .......... غلطانه انا ؟؟؟!!!